Besëlidhja ka marrë një fitore bindëse 3-0 në ndeshjen e sotme përballë Luzi i Vogel 2008, duke konfirmuar formën e mirë në kampionat.
Golat e pjesës së parë vendosën fatin e takimit, ku Jasmin Rraboshta zhbllokoi rezultatin në minutën e 13’, ndërsa Antonio Marku dyfishoi në të 29’. Në minutën e 41’, Ardit Hila vulosi shifrat përfundimtare 3-0.
Pjesa e dytë ishte thjesht sa për formalitet dhe trajneri Plori u dha mundësinë edhe lojtarëve të tjerë të kishin disa minuta aktivizim sepse tashmë fitorja ishte e sigurtë ndaj këtij kundërshtarri.
Me këtë fitore, Besëlidhja vijon të mbajë vendin e parë në Grupin A me 45 pikë, ndërsa ndiqet nga Sopoti me 42 pikë. Lezhjanët në këtë mënyrë ecin të sigurtë drejt arritjes së objektivit, ngjitjes një kategori më lart.
