Beselidhja ne basketboll per meshkuj nuk ka nder mend te ndalet ne perpjekjet e saj per ta fituar me çdo kusht titullin kampion per sezonin e ri. Per kete arsye, ka nisur heret merkaton dhe po kerkon te marre lojtaret me cilesore ne qarkullim.
Rregulli i ri i vendosur nga Federata Shqiptare e Basketbollit per te aktivizuar vetem tre lojtare te huaj ne fushe, ka bere qe drejtuesit lezhjane t’i hedhin syte me shume drejt elementit vendas.
Keshtu, pas firmes se hedhur me basketbollistin e njohur shkodran Robert Shestani, Beselidhja ka firmosur edhe me nje lojtar tjeter shume cilesor, pjese edhe e kombetares shqiptare. Behet fjale per Julian Hamatin, basketbollistin qe u shpall kampion pak kohe me pare me Tiranen.
Lojtari qe gjate karrieres se tij ka luajtur me ekipet me te mira te vendit, nder te cilet edhe me Vllaznine, ne sezonin e ri do te jete pjese e Beselidhjes ne ambicjet e saj per t’u shpallur me çdo kusht kampione e vendit.
Fakti qe Hamati ka firmosur per Beselidhjen, perpos forcimit te kesaj skuadre ka sherbyer edhe ne aspektin tjeter sepse ka dobesuar nje nga kundershtaret kryesore siç eshte ekipi i Tiranes.
Trajneri Afrim Bilali ne kete menyre do te kete ne dispozicion elemente cilesore me te cilet do ta kete me te lehte punen, ne garen e forte per titull ne mes disa ekipeve./SHKODRA-SPORT.COM/
