Nuk ka paqe për Pol Pogbanë!
Mesfushori i Juventusit ka pësuar sërish një dëmtim dhe pritet të qëndrojë rreth dy javë jashtë fushave.
Ylli francez pasi pësoi një dëmtim përpara disa kohësh në gjurin e tij të djathtë, ditën e sotme ka ndjerë një shqetësim te e njëjta këmbë, e cila mund të jetë një tërheqje muskulore të lehtë.
Për 29-vjeçarin është në rrezik të madh pjesëmarrja në Botërorin e Katarit me Francën, ndërsa me shumë mundësi me “Zonjën e Vjetër” pritet të mbyllë vitin kalendarik 2022.
Blerja e bujshme e Juventusit në merkaton verore ishte rikthyer të stërvitej në grup, por mesa duket duhet të presë ende që të rikthehet në fushën e blertë.
Aktualisht gjatë këtij sezoni me fanellën e Juventusit në Serinë A, Pogba ende nuk ka bërë debutimin e tij.
