Në pritje të startit zyrtar të sesionit dimëror të merkatos në Serie A klubi i Cagliari-t ka mundur që të sigurojë rikthimin e Alen Sherrit në ishull.
Siç dihej portieri shqiptar ishte huazuar te skuadra e Frosinone-s, por Cagliari po e rikthen pasi ka gjetur gjuhën e përbashkët me Spezia-n për të shitur portierin e dytë, Radunovic.
Sherri ishte kthyer në një zgjedhje e dytë te Frosinone pasi aksidenti i pësuar në fushë në fillim të këtij sezoni e detyroi që të qëndronte jashtë fushave për një kohë të gjatë.
Ai u rikthye i gatshëm për të luajtur vetëm një muaj më parë, por ndërkohë portieri i talentuar Lorenzo Palmisani i zuri vendin e titullarit.
