BOKS

Katër boksierë të kombëtares shqiptare të boksit janë nisur pasditen e djeshme drejt Bullgarisë për të marrë pjesë në Turneun e rëndësishëm Ndërkombëtar që zhvillohet në Sofje në datat 20-23 shkurt. Boksierët që do përfaqësojnë vendin tonë në këtë aktivitet të rëndësishëm janë Rexhildo Zeneli që do konkurrojë në peshën 56 kg, Kristian Shytani në peshën 64 kg, Asmer Bilali në peshën 69 kg dhe Bekim Vjerdha në peshën 81 kg.

Lajme të mira për boksin shkodran dhe atë shqiptar. Boksieri Kristian Demaj ka përfituar një kontratë profesionistësh nga ekipi “Mexico Guerreros”.  Ai siç dihet bëri një ndeshje me këtë ekip pak kohë më parë, të vlefshme për Ligën gjysmëprofesionistë (ëSB) ndaj bjellorusit Sergej Kuzmin dhe ndonëse e humbi atë, ka lënë përshtypje të mira tek drejtuesit e ekipit meksikan që për rrjedhojë I kanë ofruar të firmosë një kontratë me ta. Në fakt kohëzgjatja e kësaj kontrate këtë herë nuk do jetë e gjatë, vetëm tre mujore, çka do të thotë se ai konsiderohet zyrtarisht pjesë e këtij ekipi për periudhë janar- mars 2013. Kjo ngaqë në fund të muajit të ardhshëm përfundone dhe faza e dytë e garave individuale të kësaj Lige.

Memoriali I 10-të ndërkombëtar I boksit që do të zhvillohet në muajin prill në Shkodër, këtë vit do të ketë edhe mbështetjen e Ministrisë së Turizmit, Kulturës, Rinisë dhe Sporteve. Premtimi për këtë është bërë nga vetë numri 1 I kësaj Ministrie, Aldo Bumçi. Një premtim I tillë I është bërë presidentit të Federatës Shqiptare të Boksit Gjergj Leqejza dhe trajnerit të ekipit kombëtar dhe njëkohësisht atij të Vllaznisë Zef Gjoni në takimin që ka patur me to dy ditë më parë. Këtë e ka bërë të ditur për gazetën “Shkodra Sport” trajneri Gjoni I cili ka thënë:

Boksieri shkodran Jetmir Kuçi ka qenë i pafat në duelin e tij të zhvilluar në Heerelen të Holandës kundër Gevorg Khatchikian pak ditë më parë në ndeshjen e boksit profesionist. Kuçi tregoi performancë të mrekullueshme në 2 minuta e 50 sekonda të raundit të parë duke e dërrmuar plotësisht armenin e natyralizuar. Kuçi që nga fillimi e sulmoi ashpër duke mos e respektuar dhe duke goditur disa herë me kombinime të njëpasnjëshme dhe Khatchikian u gjend me vështirësi në këmbë ku mezi mbahej duke u munduar t'i ngjitet boksierit tonë, deri sa të gjithë e pritnin që ai të gjendet në dysheme.

Sot në palestrën e boksit të Shkodrës është zhvilluar një ndeshje kontrolli ( sparing) mes sportistëve të ekipeve kryesore të vendit. Qëllimi i organizimit të këtyre ndeshjeve ka qenë testimi i formës së sportistëve dhe përzgjedhja e elementit më të mirë për aktivitetet e rëndësishme ndërkombëtare që e presin kombëtaren tonë. Niveli i boksimit të ditës së sotme ishte i larte duke pasur parasysh qe edhe boksieret qe moren pjese jane nder me cilesoret në vend.

Boksieri shkodran Kristian Demaj nuk ka arritur ta fitojë ndeshjen e tij të parë në boksin profesionist, atë që ka zhvilluar sonte në Poloni ndaj boksierit bjellorus Sergej Kuzmin. Por pavarësisht kësaj, paraqitja e boksierit tonë ka qenë shumë e mirë. Ndonëse ka qenë ndeshja e tij e parë në boksin profesionist, ai I ka rezistuar në mënyrën e duhur kundërshtarit me shumë përvojë në këtë lloj boksi. Këtë e tregojnë edhe vlerësimet përfundimtare të tre gjyqtarëve në fund të pesë raundeve  teksa kanë dhënë këto rezultate: 49-46, 47-47 dhe 49-46.

Boksieri shkodran Jetmir Kuçi do të zhvillojë ndeshjen e parë për këtë vit në ringun profesionist  pikërisht më 27 janar në Heerelen të Holandës ku përballë do të ketë të pamposhturin, vendasin Gevorg Khatchikian.Boksieri holandez deri më tani ka zhvilluar 17 ndeshje profesioniste ku ka shënuar të gjitha fitore (6 KO). Bilanci i tij 100% nuk e ka frikësuar aspak boksierin tonë i cili ka pranuar të boksojë kundër tij duke udhëtuar në Holandë për fitore.

Boksieri shkodran Kristian Demaj do te ndeshet mbrëmjen e së premtes me boksierin bjellorus Sergej Kuzmin në ndeshjen e vlefshme për Ligën Botërore të Boksit Profesionist. Siç kemi bërë të ditur, boksieri shkodran do të përfaqësojë në këtë aktivitet ekipin e Meksikës. Drejtuesit e këtij të fundit, i kanë besuar aftësive të boksierit 21 vjeçar shqiptar nga videot e tij që kanë parë dhe kanë vendosur ta kenë pjesë e formacionit të tyre për ndeshjen e kësaj jave ndaj ekipit të Polonisë. Mbrëmjen e së premtes, në një nga pallatet e sportit më të njohura të Polonisë, do zhvillohen pesë ndeshjet e vlefshme për këtë ligë mes këtyre dy ekipeve.