BOKS

Boksierit shkodran Kristian Demaj I hapet rruga drejt boksit profesionist. Ai javën e ardhshme do të marrë pjesë në ndeshjet e rradhës ëorld Series Boxing (WSB), një Ligë kjo që zhvillohet me pjesmarrjen e ekipeve nga 12 vende të botës. Interesant është fakti që Demaj do të përfaqësojë në këtë ndeshje Meksikën dhe ky është suksesi parë për këtë boksier që rregjistrohet në këtë kompeticion. Kjo është një ligë profesioniste me ndeshje nga 5 raunde prej 3 minutash secili. Në të marrin pjesë 12 ekipe, pikërisht Meksika, Azerbajxhani, Polonia, Rusia, Argjentina, Algjeria (këto në grupin A) dhe Kazakistani, Britania, Italia, Gjermania, Ukraina dhe Amerika. Interesant është fakti që boksieri shkodran do të jetë pjesë e ekipit të Meksikës.

Opinion nga Jetmir Kuçi

Shumë persona mendojnë se sporti i boksit është i lidhur vetëm me agresivitetin duke injoruar të mirat që mund të sjedh boksi për organizmin e njeriut. Në rradhë të parë desha të theksoja faktin që boksi ka fituar simpati dhe po përdoret kudo në një formë të re, jo vetëm për biznes, por më shumë po përdoret për fitness, për stërvitje.

Dy trajnerë të boksit të Vllaznisë, Jozef Sermi dhe Klaudio Çekini, janë çertifikuar nga Komiteti Olimpik Ndërkombëtar. Këta dy trajnerë, bashkë me 21 të tjerë nga të gjitha ekipet e vendit kane marre pjese ne kursin disaditor te organizuar nga Komiteti Olimpik Shqiptar ne bashkepunim me Federaten Shqiptare te Boksit. Ky kurs u drejtua nga eksperti i Federates Nderkombetare te Boksit Amator (AIBA) z. Carmine Fracasso, nga Italia.

Vitin 2012 duket se e ka mbyllur në mënyrën më të mirë të mundshme. Nelson Hysa, është shpallur kampion I vendit, ka fituar Kupën e Shqipërisë dhe “qershia mbi tortë” natyrisht që ishte medalja e artë në kupën “Adem Jashari” të zhvilluar para pak ditësh në Kosovë. Boksieri I peshës super të rëndë në këtë mënyrë ndjehet I kënaqur me këto arritje dhe duket se do t’I festojë festat e fundvitit në mënyrën më të mirë të mundshme për të filluar pastaj nga janari disa plane të rëndësishme për karrierën e tij si sportist. Duke u ndalur tek suksesi I tij I fundit në Kosovë, Hysa për “Shkodra Sport” shprehet:

5 medaljet e fituara nga boksierët tanë në dy aktivitetet e rëndësishme ndërkombëtare të zhvilluara sëfundi në Maqedoni dhe Kosovë, e kanë bërë të ndjehet mirë. Zef Gjoni, trajneri I Vllaznisë dhe I ekipit tonë kombëtar ndjehet njëkohësisht I lumtur për këtë sukses, sepse nxjerr në pah punën e mirë që është bërë. Duke folur për gazetën “Shkodra Sport”, ai do të bënte edhe diferencën e madhe që ka në organizim boksi shqiptar me vende të tjera dhe pavarësisht kësaj, përpjekjet bëhen për të qenë të barabartë në ring.

Dy boksierë të përfaqësueses shqiptare të boksit, pikërisht Nelson Hysa dhe Rexhildo Zeneli kanë zënë vendet e para dhe kanë marrë medaljet e arta në turneun ndërkombëtar "Adem Jashari" që u zhvillua të premten dhe të shtunën në Kosovë. Ata kanë sfiduar kundërshtarët e tyre në peshat 56 kg dhe +91 kg duke u nderuar me vendet e para.

Ka startuar pasditen e sotme kupa "Adem Jashari" në boks, aktivitet ky që ka startuar në Prishtinë dhe do mbyllet nesër në Prizren. Në ditën e parë ka patur shumë ndeshje gjysmëfinale edhe për shkak të pjesmarrësve të shumtë. Organizatorët kanë bërë të ditur se po marrin pjesë boksierë nga 11 shtete të ndryshme dhe pikërisht nga Kosova, Shqipëria, Mali i Zi, Maqedonia, Sllovenia, Bullgaria, Italia, Kroacia, Polonia e Çekia. Në ditën e parë kanë patur ndeshje katër boksierë të kombëtares sonë. Në peshën 56 kg, Rexhildo Zeneli ka fituar pastër me kundërshtarin e tij maqedonas.

Boksierët e Vllaznisë duan ta mbyllin vitin 2012 në mënyrën më të mirë të mundshme. Në turneun “Gongu I Artë” që u zhvillua këto ditë në Shkup të Maqedonisë dhe ku morën pjesë nga shumë vende të rajonit, tre boksierët shkodranë Kristian Shytani, Asmer Bilali dhe Bekim Vjerdha zunë tre vende të para dhe morën medaljet e arta në peshat e tyre. Megjithatë disa prej boksierëve shkodranë do kërkojnë sërish vendet e para në peshat respektive edhe ne Kosove ku pjesmarres nga Vllaznia do te jene Kristian Shytani, Asmer Bilali, Kristian Dema dhe Nelson Hysa.

Me tre medalje të arta janë kthyer sonte në Shkodër tre boksierë të Vllaznisë që kanë përfaqësuar ekipin tonë kombëtar në turneun e rëndësishëm ndërkombëtar “Gongu I Artë” që zhvillohet çdo vit në Shkup të Maqedonisë. Kristian Shytani, Asmer Bilali dhe Bekim Vjerdha, kanë triumfuar mbi rivalët e tyre në ndeshjet e sotme finale. Ndërkohë boksieri tjetër pjesmarrës Kristian Demaj ka humbur në finale ndaj një boksieri bullgari. I pari ndër ta që është ngjitur në ring në finalet e sotme ka qenë boksieri I peshës 64 kg Kristian Shytani. Ai ka bërë një ndeshje të mirë përballë një kundërshtari vendas pra maqedonas dhe ka arritur ta dominojë ndeshjen duke u shpallur fitues I medaljes së artë në këtë peshë.

Nga 5 boksierët shkodranë që po marrin pjesë në turneun e rëndësishëm ndërkombëtar "Gongu i Artë" që po zhvillohet në Shkup të Maqedonisë, katër prej tyre kanë fituar të drejtën për të dalë në finalet e tij, finale këto që do zhvillohen ditën e sotme. Janë pikërisht boksierët Kristian Shytani, Asmer Bilali, Kristian Demaj dhe Bekim Vjerdha që e kanë fituar këtë të drejtë dhe sot do kërkojnë edhe medaljet e arta. Sipas informacioneve që vijnë nga Shkupi, dy prej këtyre boksierëve, pikërisht Kristian Shytani që garon në peshën 64 kilogramë, në bazë të shortit të hedhur ka kaluar direkt në finale dhe këtë fat ka patur edhe boksieri i peshës 75 kilogramë Bekim Vjerdha.