BOKS

Klubi shumësportësh Vllaznia nuk do të ketë të drejtë të organizojë asnjë aktivitet boksi për një periudhë njëvjeçare. Ky është vendimi që ka marrë kryesia e Federatës Shqiptare të Boksit në mbledhjen e saj të djeshme teksa ka analizuar edhe incidentet e ndodhura në ndeshjet finale të Kupës së Shqipërisë, të zhvilluara pak ditë më parë në qytetin tonë. Goditja e kryegjyqtarit të këtyre finale, natyrisht që ka bërë jo pak bujë, aq më tepër që ndodhi në një qytet si Shkodra e cila nuk është shquar për veprime të tilla. Pikërisht ai incident bëri që ndeshjet finale të mos shkojnë deri në fund.

Një histori vërtetë e veçantë ajo e boksierit Kristian Demaj. Shkodrani është vetëm 26 vjeç, kampion i padiskutueshëm në këtë sport burrëror, një nga emrat më të spikatur të kombëtares shqiptare megjithatë pak kohë më parë ka marrë një vendim vërtetë të habitshëm: Të lërë sportin dhe të merret me politikë! Duket se nuk ka shumë logjikë në këtë mes, por Demaj e ka marrë vendimin, mbase përfundimtar.