FUTBOLL

Shkurti ka qenë një muaj vërtetë i ngarkuar për mesfushorin malazez të Vllaznisë Ivan Deliç. Më 3 shkurt ka patur ceremoninë e dasmës së tij. Më 14 shkurt, festa e të dashuruarve- Shën Valentin ndërsa sot, ka patur ditëlindjen. Ka mbushur 27 vjeç dhe me këtë rast përpara stërvitjes ka qerasur të gjithë shokët e ekipit dhe stafin drejtues. Ditë të ngjeshura për mesfushorin malazez në mes gëzimeve por edhe problemeve me dëmtimet e tij. Ai siç dihet u pat dëmtuar në një ndeshje miqësore të Vllaznisë në Mal të Zi dhe që atëherë nuk ka qenë në formën e tij më të mirë.

Një nga tre blerjet e Vllaznisë në merkaton e janarit, pikërisht braziliani Bruno Figueiredo, nuk ka bindur stafin drejtues të saj dhe është larguar nga rradhët e kuqebluve. Mesfushori me tipare sulmuese I ardhur nga Brazili I largët, dje pasdite nuk ka qenë I pranishëm në stërvitjen e skuadrës shkodrane. Pjestarë të stafit drejtues të pyetur në lidhje me këtë mungesë të tij, kanë lënë të kuptohet se ai është drejt largimit. Nuk merret vesh nëse është nisur apo është në pritje të datës se kur I është prerë bileta e kthimit për në Brazili megjithatë ai nuk konsiderohet më pjesë e planeve të trajnerit Bushati.

Entuziasëm në pragndeshjen me Kukësin. Skuadra shkodrane vjen pas një fitore me shumë vlera në ndeshjen e kaluar me Skënderbeun dhe tashmë të gjithë duan edhe fitoren me kukësianët. Kuqeblutë kanë zhvilluar seancën e rradhë në stadiumin “Loro Boriçi” dhe futbollistët duken gati për sfidën e rradhës. Trajneri I Vllaznisë Artan Bushati ndërkohë e ka vlerësuar kundërshtarin e rradhës si shumë të vështirë prandaj ka thënë se duhet bërë shumë kujdes. “ Kjo është një ndeshje e veçantë për vetë pozitat që kanë dy skuadat. Obligimi I ekipit tonë është më I madh për të arritur një fitore në këtë takim sidomos pas asaj fitoreje me ekipin e Skënderbeut. 

Dritan Smajli dhe Klodian Semina janë plotësisht të bindur se do të arrijnë që të kalojnë me shumë sukses pengesën e radhë, ekipin e Kukësit. Për dy mbrojtësit shtatlartë të Vllaznisë, fitorja me Skënderbeun tani duhet harruar dhe duhet menduar për takimin e kësaj fundjave që skuadra ka me ekipin kuksian. “Nuk duhet të mendojmë se e kemi të lehtë. Madje, duhet thënë se kemi një nga përballjet më të vështira në fushën tonë”, – shprehen njëzëri të dy lojtarët, që duan fitoren e konfirmimit.

Në Shkodër por edhe më gjerë, mendimi I të gjithëve është se lojtari më I mirë I Vllaznisë së këtij sezoni është Kristian (Danny) Dragoi. Mesfushori rumun ka treguar një performancë të shkëlqyer duke marrë vlerësimet maksimale edhe nga ana e stafit drejtues. Jo më kot, ish- trajneri Shpëtim Duro në disa ndeshje që I mungoi ky futbollist për shkak dëmtimi, e quante mungesën e tij shkakun kryesor të mospasjes së rezultateve të duhura nga skuadra. Edhe trajneri aktual Artan Bushati e vlerëson së tepërmi këtë futbollist, madje pret shumë më tepër sepse mundësitë ai I ka.

Kris Eaton, shefi i sigurisë në FIFA ka zbuluar dje për herë të parë para shtypit metodën më tradicionale sesi trukohen ndeshjet në Shqipëri, Ballkan dhe Rusi. Është “Foxneës” që shkruante dje një fakt të tillë. Në një konferencë për këtë çështje të mbajtur në Zyrih, shefi i sigurisë në organizmin më të madh të futbollit në botë Kris Eaton zbulon skemën që përdoret zakonisht kur trukohet një ndeshje futbolli. Është një metodë shumë e njohur në Europë. Eaton sqaron se: “Në fillim u bëhet presion lojtarëve që të bashkëpunojnë në të kundërt ata kërcënojnë”.

Trajneri i Vllaznisë, Artan Bushati, ka kërkuar të harrohet fitorja ndaj Skënderbeut dhe që e gjithë vëmendja të përqendrohet te sfida e fundjavës ndaj Kukësit. Një gjë të tillë ai e ka bërë të ditur edhe në një emision sportiv, në një nga mediat lokale të Shkodrës, teksa është shprehur se për Vllazninë tani shtohen përgjegjësitë. “Fitorja me Skënderbeun ishte me të vërtetë e bukur, pasi të triumfosh me një skuadër elitare tregon se edhe ekipi është i të njëjtit nivel. Megjithatë, tashmë e kemi lënë pas dhe kemi nisur të mendojmë për Kukësin.

Trajneri I Vllaznisë Artan Bushati nuk kënaqet kurrë. Ndonëse skuadra e tij ka bërë një paraqitje të përkryer në ndeshjen e parë nën drejtimin e tij, pikërisht atë në Korçë të fituar ndaj Skënderbeut, ai ka gjetur vend dje të kritikojë sërish futbollistët e tij. E ka bërë këtë gjë në analizën teorike që ka zhvilluara paraditen e djeshme me skuadrën.