FUTBOLL

Tirana ka fituar sot pasdite ndaj Luftëtarit brenda në Gjirokastër me rezultatin 1-0 në kuadrin e javës së katërt të Superligës por përveç kësaj, brenda kësaj ndeshje ka patur edhe një sfidë tjetër më vete. Shkodrani i Tiranës Gilman Lika ka luajtur përballë tre shkodranëve të Luftëtarit, portierit Erind Selimaj, mbrojtësit Alis Boci dhe sulmuesit Jasmin Rraboshta. Nuk ka luajtur në këtë ndeshje për gjirokastritët shkodrani tjetër Behar Ramadani që u ndëshkua me karton të kuq javën e kaluar në Shkodër në ndeshjen ndaj Vllaznisë.

Trajneri I Vllaznisë Shpëtim Duro shpreh bindjen e tij të plotë se ndeshja ndaj Apolonisë, ashtu si ajo e kaluara me Luftëtarin, do të mbyllet me triumfin e kuqebluve. Një besim të tillë, ai e ka shprehur në konferencën e sotme për shtyp teksa deklaroi se nuk bëhet fjalë për nënvlerësim të kundërshtarit por thjesht bazohet tek kontigjenti I lojtarëve që ka në dispozicion dhe tek aftësitë e tyre. “Unë gjithmonë e kam thënë se çdo ndeshje ka rëndësinë e saj.

Nëse portieri I dytë I Vllaznisë Enis Gjokoviç ka patur një ofertë nga Mali I Zi dhe ai ka refuzuar të lërë Vllazninë, e ka patur edhe një arsye më tepër për ta bërë këtë gjë. Burime pranë tijnë bëjnë të ditur se kanë qenë edhe drejtuesit e klubit shkodran ata që nuk e kanë lejuar atë të prishë kontratën. Ka ndodhur kështu, ngaqë Vllaznia nuk ka ndonjë portier tjetër për ta patur të gatshëm si rezervë e për më tepër, në janar skuadra  mund të gjendet e papërgatitur ngaqë me shumë mundësi mund të largohet portieri I parë Miroslav Vujadinoviç. Lajmi bëhet I ditur nga burime pranë klubit kuqeblu, sipas të cilit, portieri nga Podgorica po insiston për t’u larguar nga Shkodra. Arsyeja është një ofertë shumë e mirë që ai ka marrë nga një skuadër tjetër.

Në ndeshjen ndaj Luftëtarit ka patur një moment që ka ngjallur edhe njëfarë diskutimi në ambjentin sportiv shkodran. Bëhet fjalë për gjuajtjen e 11-metërshit nga Smajli në pjesën e dytë, I cili u konkretizua me gol që vulosi rezultatin përfundimtar 3-0 të ndeshjes. Por para se ta ekzekutonte këtë 11-metërsh, ka qenë mbrojtësi Tefik Osmani ai që nga mbrojtja e tij vrapoi drejt zonës kundërshtare, e mori topin në duar dhe pasi komunikoi diçka me Smajlin, deshi ta ekzekutonte ai këtë gjuajtje nga pika e bardhë.

Aktivizimi I tij në dy ndeshjet e fundit si titullar, ka bërë që ai të ndjehet edhe më mirë tek Vllaznia. Klodian Semina iu bashkia skuadrës shkodrane në limitet e merkatos ngaqë nuk arriti të firmoste në Maltë dhe megjithëse nuk u mendua fillimisht si titullar, shumë shpejt arriti të kapë formacionin. Ka luajtur ndeshjen e parë në Kukës e të dytën ndaj Luftëtarit dhe në të dy këto takime, skuadra nuk ka pësuar gol. Çka tregon se ai dhe lojtarët e tjerë të repartit të mbrojtjes e kanë bërë më së miri detyrën e tyre. E rëndësishme mbi të gjitha ishte fitorja në ndeshjen e fundit me Luftëtarin, trepikësh ky që vlerësohet mjaft edhe nga Semina që do shprehej: ““Kjo fitorja me Luftëtarin ishte e rëndësishme por duhet të qëndrojmë me këmbë në tokë.

U arrit fitorja e parë dhe kjo sigurisht që ka rritur moralin. Mirëpo, në Shkodër ka një problem: sulmi nuk po reagon. Në tri javë të zhvilluara janë realizuar 4 gola, tri prej të cilëve i ka shënuar një mbrojtës, Dritan Smajli. Ky i fundit meriton elozhe dhe vetë trajneri nuk ia ka kursyer, por ai e ka hallin te ofensiva, që ende nuk e ka gjetur veten. Një ditë më parë, Shpëtim Duro ka analizuar së bashku me skuadrën ndeshjen me Luftëtarin. Ai ka nxjerrë konkluzionet pas këtij trepikëshi të arritur. Nga sa mësohet, tekniku i kuqebluve ka vlerësuar në tërësi skuadrën për shpirtin luftarak që ka treguar në fushë. Ndërkohë, ai nuk ka lënë pa përmendur dhe disa gabime që janë bërë gjatë ndeshjes. Por fatmirësisht ato nuk ndikuan në rezultat.

Anëtarësimi I klubit Vllaznia në Shoqatën e Klubeve të Europës pritet të sjellë shumë të mira për të sidomos në aspektin e promovimit të emrit dhe vlerave të tij. Ai që e thotë këtë është njeriu I cili ka negociuar për këtë anëtarësim, pikërisht menaxheri shkodran I futbollit Dritan Gjyrezi. Ky I fundit, ka marrë pjesë edhe në Asamblenë e Përgjithshme të kësaj shoqate që u zhvillua javën e kaluar në Gjenevë të Zvicrës. Gjatë zhvillimeve të punimeve të kësaj Asambleje, ai ka patur disa takime me presidentin e saj, gjermanin e mirënjohur Karl Hainz Rrumenige. Madje në adresë të tij ka ardhur edhe një ftesë nga ana e kryebashkiakut Lorenc Luka për të vizituar Shkodrën. Këtë e konfirmon vetë Gjyrezi që për “Shkodra Sport” do të shprehej:

Prej vitesh është në krye të kolegjiumit të gjyqtarëve të futbollit të Shkodrës duke u munduar të bëjë një punë sa më të mirë megjithatë shpeshherë është penguar nga faktorë të ndryshëm. Mhill Shkëmbi është munduar gjithsesi t'i anashkalojë ato duke shpresuar në përmirësimin e gjërave. Më së shumti, ai ka ndjerë keqardhje për mosmbështetjen aq sa duhet të gjyqëtarëve të kolegjiumit që drejton. E ka ngritur zërin në çdo mbledhje që është zhvilluar në Federatë por pakkush ia ka vënë veshin. Si rrjedhojë, sot Kolegjiumi i Shkodrës ndonëse ka një numër të madh gjyqtarësh, ka shumë pak për të gjykuar ndeshjet e Superligës. Numri është i madh në fakt por ndeshjet që u jepen atyre janë të pakta.