FUTBOLL

Ndeshja e rradhës në Berat me Tomorin është më e lehtë se ajo që Vllaznia ka zhvilluar dy javë më parë në Ballsh me Bylisin, ndeshje kjo që u pat fituar nga kuqeblutë me rezultatin 1-0. Një mendim të tillë e ka dhënë për gazetarët në konferencën e sotme për shtyp mbrojtësi I skuadrës shkodrane Ervis Kraja I cili e vlerëson këtë ndeshje si  të rëndësishme pasi sipas tij presioni më I madh është mbi ekipin beratas por nga ana tjetër ka folur edhe për mosaktivizimin aq sa duhet të tij deri tani.

Dy të dëmtuarit në takimin e fundit me Laçin, portieri malazez Mirosllav Vujadinoviç dhe rumuni i mesfushës Kristian Dragoi, ende nuk janë rikuperuar. Vujadinoviç ka një dëmtim në gju, një dëmtim i përsëritur për të, ndërsa Dragoi pas shpatullës që dëmtoi në takimin me Bylisin, thyerja e gishtit të këmbës duket se ia ka shtuar problemet. Stafi mjekësor e cilëson si vendimtare këtë javë që vjen sa i përket rikuperimit të këtyre dy lojtarëve, ndaj dhe po punon me intensitet të lartë, me qëllim që të jenë gati për fundjavën e ardhshme.

Kuqeblutë dje kanë mbyllur “javën e pushimit” dhe nga dita e djeshme do të fillojnë përgatitjet për ndeshjen e fundjavës me Tomorin. Tek Vllaznia për momentin gjërat duken në rregull. Dy fitoret e fundit ndaj Bylisit dhe Laçit e kanë rritur shumë moralin e skuadrës. Dita e djeshme ka sjellë seancën e fundit stërvitore të skuadrës shkodrane për javën që po lëmë pas. Trajneri Shpëtim Duro e ka nxjerrë ekipin herët në stërvitje, seancë kjo që ka nisur në orën 09.00 të mengjesit ngaqë fusha “Reshit Rusi” ku është dashur të zhvillohet kjo seancë, në orët e mëvonshme ka qenë e zënë me ndeshjet e ekipeve të Akademisë. Në kushte të tilla, futbollistët ende pa hapur sytë mirë kanë qenë në stërvitje.

Ekipit të volejbollit të meshkujve të Vllaznisë nuk i ka mjaftuar as mbështetja shumë e madhe që i ka dhënë grupimi i tifozëve "Vllaznit Ultras" gjatë gjithë ndeshjes për të mundur Tiranën. Ndeshja e vlefshme për javën e dytë të kampionatit kombëtar është luajtur pasditen e sotme në pallatin e sportit "Qazim Dervishi" për shkak të rikonstruksionit që po i bëhet sallës sportive "Fahrije Hoti" në kryeqytet.Ajo, pas më tepër se 2 orësh lojë shumë intensive, është mbyllur me fitoren e Tiranës 3-2. Kanë qenë bardheblutë ata që kanë fituar setin e parë në shifrat 25-20 dhe që në këtë set u duk qartë se shkodranët nuk ishin në ditën e tyre më të mirë teksa bëjnë shumë gabime.

Sulmuesi Vilfor Hysa po kalon momente jo të mira në Shkodër. Që prej tre muaj gati që ai është pjesë e Vllaznisë, ai nuk ka arritur të shënojë një gol të vetëm, qoftë edhe në miqësore. Shifrat janë aspak të mira për një sulmues. Një fakt paksa absurd megjithatë ky është realiteti. Arsyet e sakta pse po ndodh kështu nuk mund të thuhen me saktësi por ja që ka ndodhur. Hysa nuk ka shënuar në asnjë ndeshje kampionati deri tani, madje nuk e ka bërë këtë gjë as në ndeshjet e Kupës së Shqipërisë dhe as në miqësoret e zhvilluara nga ekipi shkodran.

E tilla ka qenë vërtetë Shqipëria e mbrëmjes së sotme. "E lagur" në të gjitha drejtimet teksa me një humbje ndaj Islandës, na kthen edhe njëherë me këmbë në tokë. Me humbjen e mbrëmjes së sotme 1-2 në "Qemal Stafa", tashmë kombëtarja jonë nuk do ketë më nevojë të bëjë llogari se sa pikë do grumbullojmë në fund të këtyre eliminatoreve dhe në çfarë vendi do jemi. Vendi jonë është i përcaktuar. Të parafundit por pse jo edhe të fundit këtë herë nëse nuk kalojmë edhe Qipron. Ndeshja e luajtur në Tiranë sonte në fakt u dominua nga kuqezinjtë tanë por që u ndëshkuam atëherë kur nuk duhet. Në të parin, një gabim i gjithë mbrojtjes dhe mbi të gjitha i portierit Ujkani që nuk dihet se çfarë po bënte në ato momente.

Një ish-kampion i madh, një sulmues që i ka shënuar edhe Barcelonës së madhe, jep një mendim pozitiv për Vllazninë e këtij sezoni. Vasil Ruci, një nga legjendat e Flamurtarit të famshëm të viteve '80, duke folur në një nga të përditshmet sportive për Superligën shqiptare, ka folur edhe për ekipet që ai mendon se do jenë pretendentet kryesore për titullin kampion. "Unë shoh diçka më mirë Skënderbeun dhe Tiranën por kurrsesi nuk mund të lë pa përmendur edhe Flamurtarin, Vllazninë dhe Teutën si skuadra pretendente"- ka thënë ai. Sigurisht kur vlerësimi vjen nga një figurë e tillë, është diçka shumë pozitive edhe për skuadrën shkodrane.

Federata Shqiptare e Futbollit ka përcaktuar datat dhe oraret e zhvillimit të ndeshjeve të rradhës për javën e ardhshme të kampionatit të Superligës, madje janë caktuar për katër javët e ardhshme. Kështu, ndeshja Tomori- Vllaznia e vlefshme për javën e shtatë, do të luhet të dielën e ardhshme, më datë 21 tetor në orën 14.00 në stadiumin e qytetit të Beratit. Ndeshja tjetër, ajo për javën e tetë me Shkumbinin, do të luhet po të dielën, më datë 28 tetor, këtë herë në orën 17.00, pra nën dritat e projektorëve të stadiumit "Loro Boriçi".

Zgjidhet problemi I pjesmarrjes së ekipeve të basketbollit dhe volejbollit të klubit Vllaznia në kampionatet kombëtare por mbetet një ngërç I madh ai për disa ekipe të tjera për pjesmarrjen në aktivitetet e tjera që kanë mbetur për t’u zhvilluar deri në fund të këtij viti. Bashkia Shkodër, në kuadër edhe të shkurtimit të shpenzimeve administrative në këtë fund- viti ka vendosur që të përshijë në këto shkurtime edhe sportin. Konkretisht klubin shumësportësh Vllaznia. Bëhet e ditur se institucioni I pushtetit lokal nga I cili merr fondet klubi, ka vendosur që të akordojë 30 për qind më pak të fondeve për periudhën tetor- dhjetor 2012. Me t’u bërë publik lajmi për mundësinë e mospjesmarrjes së disa ekipeve të shumësportëshit shkodran në kampionatet kombëtare, ka ardhur edhe reagimi I Bashkisë Shkodër.