PA KATEGORI

Klubi Futbollit Vllaznia SH.A do të ketë 60 milionë lekë të vjetra më shumë. Miratimi ka ardhur në mbledhjen e radhës të Këshillit Bashkiak të Shkodrës. Në rendin e ditës ka qenë e parashikuar edhe propozimi “për dhënie fondi 6 milionë lekë për zmadhim kapiteli themeltar”. Edhe pse opozita ka qenë kundër këtij propozimi për shkak të dyshimeve për dhënien e kësaj shume dhe menaxhimin e saj më pas, është miratuar me votat e maxhorancës që ka shumicën në Këshillin e Bashkisë Shkodër.

Ada e Velipojës është Kampione e dimrit në Kampionatin e futbollit të femrave. Velipojakët në mbyllje të fazës së parë kanë luajtur përballë rivalëve direkt për titullin kampion, Juban Danja. Ka qenë një ndeshje spektakolare e zhvilluar në stadiumin “Loro Boriçi” në një ambjent festiv me mbi 1 mijë spektatorë të pranishëm për të ndjekur këtë sfidë. Është cilësuar si një sfidë e fortë. Në minutën e 12 Jubani fiton një goditje dënimi.

Ekipi tjetër shkodran i futbollit të femrava- The Door ka arritur të barazojë në ndeshjen e parë të kampionatit, atë që ka luajtur pasditen e sotme në Kamëz ndaj skuadrës vendase me të njëjtën emër. Rezultati i arritur në fund të 80 minutave të ndeshjes ka qenë 0-0. Megjithë përpjekjet e vajzave shkodrane, ata nuk kanë mundur dot të marrin fitoren. Trajnerët Ahmet Meta dhe Arben Parmeza edhe me ndërrimet që kanë bërë, janë munduar të luajnë në sulm por pa sukses. Pavarësisht kësaj, një barazim i tillë nuk është rezultat i keq për këtë ekip ngaqë ka qenë një ndeshje në transfertë.

Për Velipojakët tashmë problemet financiare të sezoneve më parë duket se nuk do dëgjohen më. Ditë të mira duken në horizont për skuadrën e Adës. Fitoret në kampionatin e saponisur po shoqërohen edhe nga shpërblime financiare. Kështu, per fitoren e arritur javën e kaluar ne Burrel, donatori i kësaj skuadre Lazër Matia, e ka shpërblyer ekipin me 1 milionë lekë të vjetra. Paratë u janë shpërndarë futbollistëve menjëherë në dhomat e zhveshjes duke e bërë edhe më të këndshme fitoren me shumë vlera ndaj matjanëve.