SPORTE TE TJERA

Opinion nga Gjergj KOLA

Dëshira për të shkruar rreth një teme të tillë sigurisht që nuk ishte prezent tek unë ngaqë nuk është diçka e mirë të përmendësh gjëra të tilla. Megjithatë ky është realiteti. Shumësportëshi shkodran është në prag të shkrirjes së tij. Deri më tash, ai ka funksionuar si pjesë e Bashkisë Shkodër e cila që në fillim të vitit miratonte një fond për të gjithë sportet bashkë dhe aq.

Probleme të mëdha për ekipet e klubit shumësportësh Vllaznia. Pjesmarrja e tyre në kampionatet kombëtare është neë dyshim. Një shqetësim i tillë është ngritur sot nga përfaqësues të ekipeve të basketbollit dhe të volejbollit. Ata kanë marrë sinjale nga drejtuesit e klubit se nuk do kenë fonde për të udhëtuar jashtë Shkodre ngaqë Bashkia u ka bllokuar fondet. Arsyeja është se gjoja këto ekipe duhej të ishin shndërruar në shoqata sportive sepse kalimi i fondeve tashmë siç ka ndodhur deri tani në numrin e llogarisë së klubit shumësportësh Vllaznia, është i jashtëligjshëm.

Ekipi i Vllaznisë në gjimnastikë për femra është shpallur kampion i Shqipërisë. Kampionati i të rriturave është zhvilluar dje në palestrën e klubit "Partizani" në Tiranë dhe në të kanë marrë pjesë të gjithë ekipet e vendit. Paraqitja e gjimnnasteve shkodrane nën drejtimin e trajnerit Vladimit Limaj ka qenë në nivelin e duhur dhe në fund të kampionatit, ata kanë mbledhur më shumë pikë se çdo ekip tjetër duke u shpallur kështu kampione të Shqipërisë.

Pak ditë më parë në Shkodër është organizuar një turne shumë i rëndësishëm ndërkombëtar në sportin e xhudos. Një turne i tillë është organizuar me rastin e 100 Vjetorit të Pavarësisë. Në të morën pjesë këto ekipe: Milenium Podgorica, Klub Arso Milic, Judo Dubrovnik, Ferizaj Kosovë, Prishtina, Judo Klub Split dhe Shqiperia (Vllaznia). Pas ndeshjeve të zhvilluara, vendin e parë e mori Shqipëria ( Vllaznia)  duke marrë 16 medalje, nga të cilat 6 të vendit të parë, 3 të argjendta dhe 7 të bronzta duke lënë pas ekipin malazez Milenium Podgorica me 6 medalje të arta, 3 të argjendta dhe 1 të bronztë dhe në vendin e trete u rradhit Kroacia duke marrë 1 të artë, 5 të argjendta dhe 6 të bronzta.

Shahisti i talentuar shkodran Franc Ashiku është nderuar nga Federata Europiane e Shahut me titullin e lartë "Mjeshtër Ndërkombëtar" në shah. Ky është një nga titujt më të lartë që jep kjo Federatë dhe në Shqipëri atë e kanë patur deri tani vetëm dy emra të mëdhenj të këtij sporti si Fatos Muço dhe Ilir Seitaj. I treti do jetë 19 vjeçari Franc Ashiku. Ka ndodhur kështu pas rezultateve të arritura nga ky sport në turneun e zhvilluar së fundi në Trieste të Italisë të emërtuar Festivali Ndërkombëtar i Shahut.

Vllaznia ne xhudo ka siguruar sot edhe katër tituj të tjerë kampionë pas atyre të siguruar pak kohë më parë me të rriturit. Këtë herë suksesi ka ardhur në kampionatet e kadetëve dhe të rinjve teksa janë zënë vende të para si për djem ashtu edhe për vajza. Kampionatet janë zhvilluar paraditen e sotme në qendrën sportive “Rinia” në Kamëz dhe në to kanë marrë pjesë të gjithë sportistët dhe ekipet e vendit tonë. Në kampionatin e kadetëve, Vllaznia ka zënë vendin e parë në renditjen ekipore duke u shpall kampion si ekip. Nuk kanë munguar edhe titujt kampionë si individ teksa Xhovan shkoza ka rezultuar më I miri në peshën 50 kg, ndërsa Elvis Mhilli është shpallur kampion në peshën 66 kg, ndërsa Sebastian marku në peshën 60 kg është shpallur nënkampion.

Mundësi shkodran Adnand Guri është shpallur mundësi më i mirë i kampionatit të 17 vjeçarëve. Ky kampionat është zhvilluar ditën e shtunë në qytetin e Kavajës dhe në të kanë marrë pjesë sportistët më të mirë të vendit. Paraqitja e Gurit ka qenë shumë e mirë dhe jo më kot, ai është vlerësuar nga të gjithë specialistët e këtij sporti si më i miri i aktivitetit. Ndërkohë po në garat e kadetëve edhe Vllaznia si ekip ka bërë një paraqitje të mirë duke zënë vendin e dytë dhe duke u shpallur nënkampion i vendit. Garat e Kavajës kanë dhuruar emocione sepse edhe organizimi i bërë nga klubi vendas ka qenë shumë i mirë.

Tradita e përvitshme e organizimit të hapjes zyrtare të sezonit të notit, është bërë edhe këtë vit në Shkodër. Dhe si zakonisht në Shirokë. Ka ndodhur kështu ditën e sotme teksa është zhvilluar edhe ceremonia e hapjes së këtij sezoni. Kanë marrë pjesë në të, pjestarë të Federatës Shqiptare të Notit, të klubit shumësportësh Vllaznia, të shoqatës së notit shkodran, veteranë të këtij sporti, pjestarë të Drejtorisë Arsimore Shkodër etj. Ai që ka përshendetur të pranishmit ka qenë një emër i njohur i këtij sporti, Kolës Shiroka që ndër të tjera ka bërë edhe një historik të shkurtër të këtij sporti në Shkodër, që nga krijimi i tij dhe deri më sot.

Një tjetër sukses për xhudistët e Vllaznisë. Ata kanë sjellë në Shkodër sërish medalje, madje plot 6 të tilla nga turneu që është zhvilluar sot në Prishtinë dhe ku kanë marrë pjesë sportistë të shumta nga Rajoni. Kështu janë arritur të merren 2 medalje ari, 2 argjendi dhe 2 bronzi nga 9 sportistët që kanë marrë pjesë në turneun "Fuat Gashi" të zhvilluar në palestrën e sporteve "Adem dhe Hamzë Jashari". Më i suksesshmi nga të gjithë ka rezultuar xhudisti Xhovani Shkoza që duke konkurruar në peshën 50 kg për grupmoshën e 15 vjeçarëve ka zënë vendin e parë pas 3 fitoreve të arritura.