Dinamo është mposhtur në shtëpi nga Astana, në ndeshjen e parë të raundit të parë kualifikues në Conference League. Sfida e zhvilluar në stadiumin “Elbasan Arena”, përfundoi me shifrat 0-1.
Pavarësisht lojës pozitive nga ana e “djemve” të Ilir Dajës, miqtë triumfuan. Golin e vetëm në këtë sfidë e shënoi Ramazan Karimov, i cili gjeti rrugën e rrjetës në minutën e 69-të pas një kundërsulmi që rezultoi vrastar.
Kështu, Dinamo mposhtet në duelin e parë, por ka ende shpresa. Sfida e kthimit do të luhet më 16 korrik, duke nisur prej orës 17:00, duel që do të zhvillohet në stadiumin “Astana Arena”.
