Lorenco Insinje në historinë e Napolit. Me golin e realizuar ndaj Salernitanës në triumfin 4-1, kapiteni aktual i të kaltërve arriti të barazonte legjendën Diego Armando Maradona në kuotën e 115 golave, duke ndarë me ikonën e futbollit botëror, vendin e tretë në renditjen e golashënuesve më të mirë të të gjitha kohërave te skuadra e Napolit.
Kjo renditje kryesohet nga Driz Mertens me 144 gola, teksa në vend të dytë qëndron Marek Hamshik me 121 gola.
Insinje, po luan ndeshjet e fundit me Napolin, pasi sezonin tjetër do të transferohet në Kanada tek Toronto.
Gjatë festimit me shokët 30-vjeĻar është kthyer nga telekamerat dhe duke vendosur dorën tek stema e klubit ka thërritur: “Jam dhe do të jem gjithmonë këtu”.
