Fyerjet dhe kërcënimet ndaj Xhixho Donarumës nga ultrasit e Milanit, mëngjesin e sotëm.
Ata kanë hapur pranë Milanelos 2 banderola, në prag të ndeshjes së parë në shtëpi, që do të luhet ditën e diel, kundër ish-portierit kuqezi, që zgjodhi të braktiste skuadrën, për të vijuar karrierën te PSG-ja.
Në banderolën e parë shkruhet: “Donaruma, bastard dhe mosmirënjohës, ti dole më i neveritshëm se Leonardo”.
Ndërkohë banderola tjetër ishte akoma më e rëndë dhe kërcënuese teksa shkruhej: “Donaruma: ne nuk i harrojmë famëkeqët…, ki kujdes kur shkon rreth Milanos”.
Këto 2 banderola të shpalosura mëngjesin e sotëm, shprehin qartë pakënaqësinë dhe urrejtjen e ultrasve të Milanit ndaj Donarumës.
