Kukësi u mund dje nga Kastrioti me rezultatin 1-0 në Kamëz. Verilindorët mbajnë vendin e tretë që i dërgon në Europë, por Partizani dhe Vllaznia pritet të përfitojnë nga humbja e tyre.
Si të mos mjaftonte mosfunksionimi në fushë, klubi nuk po funksion as në stol.Trajneri italian, Diego Longo, nuk doli në intervistën e detyrueshme pas ndeshjes.
Nuk është hera e parë që tekniku i Kukësit i shmanget përgjegjësive para mediave dhe drejtuesit nuk duket të jenë dakord. Longo pritet të bëhet subjekt i Komisionit të Disiplinës dhe Etikës dhe mund të gjobitet për sjelljen e tij.
Italiani ka thënë më parë se kur të jetë drejtues i emisionit Gjergji Stefa, gazetar i SuperSport, ai nuk do shfaqet para mikrofonit. Këto teka të Longos në një periudhë të vështirë për Kukësin, duken të tepërta për drejtuesit që mund të reagojnë në vazhdim.
