Largimet e sportisteve shkodrane vazhdojne serish nga ekipet e Vllaznise. Pas atyre tek ekipet e volejbollit dhe basketbollit te femrave, tashme eksodi ka perfshire edhe ekipin e volejbollit te meshkujve.
Ditet e fundit mesohet se volejbollisti Tuad Drinazi ka lene Vllaznine dhe ka firmosur ne Kosove. Kete gje e ka pranuar edhe ai vete ne nje prononcim per “Shkodra Sport” ku eshte shprehur:
“Po, kjo eshte e vertete. Prej disa kohesh ndodhem ne Kosove ku kam firmosur me ekipin “Skenderbeu” te Kraishtes ne Lipjan. Jemi ne pergatitjet e fundit per kampionatin qe starton me date 3 tetor dhe ne javen e pare do te ndeshemi me ekipin kampion ne fuqi, ate te Ferizajt.
Une kam firmosur per nje sezon me kete skuader, me kane ofruar kushte te mira dhe sigurisht qe ndjehem mire ketu. Do te mundohem te jap me te miren time per kete ekip”.
Drinazi luan ne pozicionin 2 dhe ka qene nje nga pikat me te forta te Vllaznise. Me largimin e tij sigurisht qe ka krijuar nje boshllek tek ekipi shkodran qe ende nuk dihet si do te zevendesohet./SHKODRA-SPORT.COM/
