Gentian Selmani do t’i nënshtrohet një ndërhyrje kirurgjikale. Dëmtimi i pësuar në ndeshjet kundër Besiktasit ka rezultuar më i rëndë seç pritej.
Në këtë mënyrë “gardiani” bardheblu është i detyruar të operohet për t’u rikuperuar sa më parë.
Në një postim të bërë në rrjetet sociale, nënkampionët e Shqipërisë shkruanin:
“Shërim të shpejtë Gentian Selmani! Bardheblutë të presin të veshësh sërish dorezat e portierit. Gentian Selmani pëson një frakturë të tibias dhe pritet t’i nënshtrohet ndërhyrjes kirurgjikale si mënyrë për rikthimin më të shpejtë në fushë!”
