Egnatia-Teuta do të jetë një nga dy sfidat e ditës së sotme në Abissnet Superiore e vlefshme për javën e 6-të. Takimi do të luhet në stadiumin “Arena Egnatia” në orën 13:45 dhe të dyja ekipet do të kërkojnë të marrin rezultat pozitiv.
Pas humbjes nga Tirana, kampionët në fuqi duan me çdo kusht rikthimin te fitorja dhe trajneri Martini pritet të hedhë në fushë të gjithë “artilerinë e rëndë” që ka në dispozicion.
Mesfushori Asion Daja rikthehet titullar pasi ka shlyer pezullimin dhe do të luajë nga minuta e parë. Nga ana tjetër, trajneri Gugash Magani nuk do të bëjë shumë ndryshime nga fitorja e fundit kundër Laçit në transfertë.
Egnatia: Puja, Ymeraliaj, Krasniqi, Kacbufi, Allmuça, Çyrbja, Telushi, Bardis, Xhekson, Imeri, Pedro.
Teuta: Qirko, Todorovski, Selmani, Ivanovic, Jackson, Aleksi, Daja, Kallaku, E.Vila, Plaku, Koubemba.
