Nga Fatos LAMAJ
Egnatia-Vllaznia është padiksutim një nga duelet më të luftuara në “Abisnet Superiore” në javën e dhjetë.
Një përballje mes ekipeve pretendente,ku aktualisht vetëm një pikë i ndan në klasifikim.
Në duelin që do të zhvillohet në “Egnatia Arena” ditën e hënë ekipet do të përplasin brirët mes tyre për tre pikët.
Fitorja është mëse e detyrueshme për kampionët aktual,pasi automatikisht u jep edhe kreun e klasifikimit.
Ndërkohë Vllaznia edhe me barazim do të kryesoj kampionatin.
Jo më kot kjo përballje cilësohet si një finale e parakohshme,pasi këto dy ekipe do të luftojnë deri në fund për titullin e këtij sezoni,teksa aktualisht jan skuadrat më të mira në këtë sezon.
Ekipi i Edlir Tetovës në shtëpi do të tentoj edhe hakmarrjen ndaj skuadrës së Vllaznisë për atë humbje në fazën e parë të kampionatit.
