Te Vllaznia ne stervitjen e pasdites te sotme jane shfaqur edhe dy emra te ri. Njeri tashme eshte bere i njohur nga te gjithe sepse kemi te bejme me blerjen e rradhes te kuqebluve, mbrojtesin e majte Xhelil Asani.
Por krahas tij, ka rene ne sy edhe prania e nje futbollisti tjeter. Dikush e ka menduar se ishte afrikan, por gazeta “Shkodra Sport” meson se kemi te bejme me nje futbollist nga Amerika Latine, pikerisht nga Ekuadori.
Gazeta ne menyre ekskluzive meson se kemi te bejme me futbollistin Frank Obando. Ai luan si sulmues, eshte 25 vjeç dhe 1.86 metra i gjate. Lojtari do te jete ne prove per disa dite dhe me pas do te jete stafi teknik qe do te vendose per fatin e tij.
Sipas kerkimeve te bera nga “Shkodra Sport” mesojme se kemi te bejme me nje sulmues “9”-sh, i cili ne sezonin e fundit ka luajtur fillimisht me ekipin Nacional de Quito qe u shpall kampion ne Serine B te Ekuadorit duke shenuar 8 gola dhe duke e ndihmuar ate te ngjitet ne Superlige.
Ndersa ne gjysmen e dyte, eshte bashkuar me ekipin Olmedo me te cilin ka shenuar 6 gola. Tashme do te jete ne doren e tij per te bindur apo jo stafin e Vllaznise. Trajneri Memelli e ka bere te qarte se pret edhe nje sulmues qe te jete alternative per Balajn dhe tashme mbetet per t’u pare nese ky sulmues do te jete Frank Obando apo jo./SHKODRA-SPORT.COM/
