Pas deshtimit me Kire Ristevskin, Vllaznia duket se ka gjetur ne Kroaci mbrojtesin e shumekerkuar nga trajneri Mirel Josa. Keshtu, burime te “Shkodra Sport” kane mesuar se behet fjale per Marko Juriç, mbrojtesin kroato-boshnjak, qe prej tre sezonesh vesh fanellen e Shiroki Brijeg ne Bosnje.
Mbrojtesi eshte 27-vjec dhe sezonin e fundit zhvilloi plot 27 ndeshje ne kampionat, dy me shume se nje vit me pare, duke qene nje nga me te dalluarit ne rolin e tij.
Burime per “Shkodra Sport” konfirmojne se, Juriç ka arritur marreveshjen me Vllaznine dhe pritet te mberrije ne Shkoder paraditen e se nesermes per te firmosur dhe per t’u vendosur ne dispozicion te trajnerit Mirel Josa.
Me afrimin e Marko Juriç, pas ardhjes se Shehit, kompletihet edhe mbrojtja e shkodraneve, qe pritet te udhetojne drejt Austrise per te kryer fazen pergatitore, ne kuader te eleminatoreve te Conference League, ku shorti i ka vendosur perballe rumuneve te Universitatea Kraioves.
Maringlen ZHIVANI
