Kategoria Superiore sa vjen dhe po bëhet më interesante. “Football Meets Data”, që studion statistikat, vazhdimisht bën projeksione për renditjen përfundimtare.
Nga java e pestë, kur u dhanë projeksionet për renditjen përfundimtare, gjërat kanë ndryshuar. Pas shtatë javësh të luajtura, parashikohet që Vllaznia ta mbyllë në krye.
Skuadrat e “Final Four” do të mbeten të njëjta, pikërisht Vllaznia, Egnatia, Teuta dhe Elbasani. Verdhebluve u jepet 47% mundësi, kundrejt 45% për Dinamon. Skuadra e Ilir Dajës parashikohet të luftojë deri në fund për një vend në katërshen më të mirë.
Çudi mund të konsiderohet fundi i tabelës. Edhe pse Vora po bën mirë dhe mban aktualisht vendin e gjashtë, parashikohet të bie nga kategoria bashkë me Flamurtarin. Për vlonjatët nuk jepet thuajse asnjë shpresë që të mbijetojnë.
Në rast se renditja i përfundimtare do i ngjasojë asaj të projeksionit, atëherë gara për titull do të jetë dramatike në fund. Pas kampionatit, kujtojmë se pikët përgjysmohen për katër skuadrat e para dhe më pas luajnë ndeshje me njëra-tjetrën.
Mundësitë për “Final Four”
96% Vllaznia
91% Egnatia
65% Teuta
47% Elbasan
—
45% Dinamo City
34% Partizani
