Të shtunën është luajtur ndeshja e rradhës e kampionatit azerbajxhanas të futbollit e cila këtë herë ka përballur me njëri-tjetrin dy futbollistët shkodranë që luajnë atje, pikërisht Elvin Beqirin dhe Admir Telin. Ky i fundit me ekipin e tij Karabak ka luajtur në shtëpi ndërkohë që Beqiri me
Khazar Lenkoran ka qenë udhëtues. Të dy shkodranët kanë luajtur nga 90 minuta duke bërë një paraqitje të mirë për ekipet e tyre por në fund ka triumfuar skuadra e Khazarit ku luan Beqiri e cila ka fituar 1-0 duke mbajtur sërish vendin e parë në renditje edhe pas kësaj jave të kampionatit azerbajxhanas.
