Prej kohësh nuk luan me Vllazninë për shkak dëmtimi dhe për rrjedhojë ende nuk ka debutuar për asnjë minutë në ndeshjet zyrtare të saj, por gjermano- kongolezi është futbollisti më vlerën më të madhe në treg nga të gjithë pjestarët e skuadrës shkodrane të këtij sezoni.
Sipas faqes së specializuar transfermarkt.de, ish- futbollisti i kombëtares gjermane të moshave, vlerësohet aktualisht 325 mijë euro në tregun e futbollistëve.
Ajo që të bën përshtypje është se edhe në vendin e dytë nga 29 futbollistët e rregjistruar me Vllazninë e këtij sezoni, është një tjetër futbollist që jo vetëm nuk ka debutuar ende me kuqeblutë por deri në janar e ka të pamundur për shkak të rikuperimit që është duke bërë.
Lojtari i dytë me vlerën më të madhe në treg kësisoj është Abdurrahman Fangaj 300 mijë euro. Po me këtë vlerë është edhe mesfushori me tipare sulmuese, shqiptaro- maqedonasi Demir Imeri.
Në vend të katërt ndërkohë është Behar Ramadani që vlerësohet 275 mijë euro, Aleksandar Isaevski me 250 mijë euro e po kaq edhe Ardit Krymi, Erdenis Gurishta e Eni Imami me nga 225 mijë euro ndërkohë që më pas lista vazhdon me portierin Bojan Zogoviç, Mevlan Adili, Fjoart Jonuzi e Arsid Kruja me nga 200 mijë euro secili.
Me poshte keni vleresimin per secilin prej futbollisteve te Vllaznise:/SHKODRA-SPORT.COM/
