Ne Shkoder eshte fakt qe nuk kane ndonje simpati te madhe per arbitrin e FIFA-s Enea Jorgji. Madje kane qene jo te pakta rastet qe ai eshte kontestuar nga futbollistet dhe stafi teknik.
Por nderkohe Enea Jorgjit i është besuar sfida e kthimit mes Shakhtyor Soligorsk dhe Mariborit e cila do te luhet diten e enjte ne Turqi. Ndeshja e parë ka përfunduar me rezultatin 0-0 dhe kualifikimi për në turin e dytë, do të vendoset në Slloveni.
Asistentë të Enea Jorgjit do të jenë anësorët Rejdi Avdo dhe Ani Koçiaj, ndërsa gjyqtare e katërt do të jetë Emanuela Rusta. Çka do te thote se Jorgji do te arbitroje ish- futbollistin e Vllaznise Ardit Krymi i cili eshte pjese e Shakhtyor Soligorsk.
Tashmë, Ardit Krymit do t’i duhet të përballet sërish me vendimet e Enea Jorgjit, por kësaj rradhe jo më në Superiore me fanellën e Vllaznisë, por në ndeshjet europiane me Shakhtyor Soligorsk.
Kujtojmë se, përveç Krymit, me ekipin bjellorus luajnë edhe shqiptari tjetër, Valon Ahmedi dhe ish-sulmuesi brazilian i Kukësit, Vitor Feijao.
Maringlen ZHIVANI
