Shkodran Mustafi është në vitin e tij të fundit të kontratës me Arsenalin dhe në Londër janë të shqetësuar për këtë fakt.
Me ardhjen e Artetës në krye të ekipit Mustafi e ka rritur shumë nivelin e paraqitjeve të tij dhe në gjysmën e dytë të sezonit të shkuar u shndërrua në titullar fiks.
Tashmë është kthyer të luajë pas tre muajsh fushave për shkak të një dëmtimi, teksa ende zien çështja e kontratës. Mediet angleze raportojnë se Mustafi ka refuzuar ofertë për rinovim në verë dhe i ka shprehur klubit dëshirën për tu larguar nga Londra.
Mediet italiane e lidhin me një rikthim në Serie A, teksa për këtë çështje flet edhe vetë mbrojtësi. Ai shprehet se nuk ka biseduar në lidhje me rinovimin me drejtuesit e Arsenal.
Ish-kampioni i Botës erdhi në Angli në verën e vitit 2016 për shifrën 41 milionë eurove dhe mund të largohet falas nga “Topçinjtë”.
“Momentalisht jam i lumtur që jam kthyer nga lëndimi, ishin tre muaj të gjatë. Thjesht isha i lumtur për kthimin dhe që jam në gjendje të luaj sërish.
Nuk kemi biseduar ndonjë gjë, prandaj s’kam ndonjë gjë për t’iu treguar”, mësohet të jetë shprehur Mustafi. /vipsport/
