Ylber Ramadani iu shtua kolonisë së lojtarëve shqiptarë në Serie A. Mesfushori i kombëtares u transferua te Lecce, ku menjëherë ka fituar edhe vendin e titullarit.
Por përpara se të zbresë në fushën e lojës, Ramadanit i është dashur të udhëtojë në Londër për shkak të një domumentacioni.
Mediat italine kanë raportuar se ish-lojtari i Partizanit ka udhëtuar në Londër për të rregulluar leje qëndrimin afatgjatë në Itali, pasi është ekstrakomunitar dhe si i tillë i duhet të marrë lejen e punës për të ushtruar profesionin e tij.
Gjithësesi Ramadani do të kthehet në Itali dhe do të jetë nën urdhrat e trajnerit të Lecces, i cili e ka projektuar titullar në sfidën e së dielës ndaj Como, e vlefshme për Kupën e Italisë.
