Prej kohesh flitet per privatizimin e Vllaznise, proces ky qe konsiderohet shume i rendesishem per te ardhmen e kesaj skuadre e cila ne vitet e fundit ka kaluar momente te veshtira, madje duke rene edhe ne kategorine e pare.
Por perpjekjet per privatizim nuk kane munguar nga ana e Bashkise Shkoder. “Panorama Sport” ka intervistuar disa nga anetaret e Keshillit Bashkiak, institucion qe do te vendose ne fund per kete proces.
Njeri prej tyre eshte nje emer shume i njohur: Filip Guraziu. Ish- basketbollisti i Vllaznise qe mban titullin “Mjeshtër i Merituar i Sportit” , njekohesisht dhe nje ish- kryetar Bashkie i Shkodres ne fillimin e viteve ’90. Ai eshte edhe anetar i komisionit te sportit prane Keshillit Bashkiak Shkoder aktualisht dhe po ashtu eshte nje njohes i mire i ligjeve dhe rregullave dhe ne lidhje me privatizimin e klubit te futbollit eshte shprehur:
“Bashkia e Shkodrës punoi shumë gjatë kësaj periudhe për të qenë transparente në punën e vet dhe për të ndërtuar procedurat e nevojshme për privatizimin e klubit.
U bë vlerësimi i aseteve, nxjerra e vlerës së aksioneve dhe mendoj se tani gjithçka është gati. Kryebashkiakja Ademi dhe stafi i saj përherë kanë shprehur vullnetin që të bëjnë sa më parë të mundur kalimin e klubit te privati.
A mund të ishte bërë më herët? Kjo pastaj do të ishte diçka tjetër. Por nga Bashkia Shkodër nuk ka munguar asnjëherë vullneti për ta privatizuar Vllazninë”, deklaroi Guraziu.
