I pyetur sot ne konferencen e shtypit per ndryshimet e mundshme ne formacion per takimin e neserm ndaj Bylisit, trajneri i Vllaznise Hysen Dedja, ka thene se ato do te jene te vogla.
Ne fakt, njeri prej ketyre ndryshimeve duket i konfirmuar. Behet fjale per aktivizimin nga minuta e pare ne sulm te brazilianit Junior. Ai do te luaje ne vijen e pare bashke me brazilianin tjeter Hygor.
Stafi kuqeblu duket se ka vendosur t’i besoje kesaj dysheje per manovren sulmuese, ndonese duhet thene qe ne takimin e fundit me Teuten, Junior humbi nje rast shume te paster ne minuten e 91-te kur mund te kishte mbyllur ndeshjen ne favorin e skuadres se tij.
Megjithate Dedja vazhdon t’i besoje ketij lojtari dhe prandaj neser do te jete ne fushe nga minuta e pare. Por kjo nuk do te thote se Zogaj, autori i golit te pare ndaj durrsakeve, do te ulet ne stol.
Futbollisti lezhjan pritet qe te luaje ne krahun e djathte te mesfushes se Vllaznise, vend ku mund te shpertheje me aksionet e tij. Per te tjeret duket se nuk do te kete ndonje levizje ne formacion tek kuqeblute per ndeshjen qe do te luhet neser ne oren 17.00 ne stadiumin “Loro Boriçi”.
www.shkodrasport.com
