Real Madrid luan nesër një nga ndeshjet më të rëndësishme të sezonit ku përballë do të ketë skuadrën e Barcelonës në “El Clasicon” e parë për këtë sezon. Për madrilenët është e rëndësishme kjo ndeshje për hakmarrje duke marrë parasysh faktin se në sezonet e fundit ka vuajtur jo pak dhe është mundur rregullisht nga katalanasit.
Në prag të këtij takimi, për të motivuar më shumë futbollistët ka menduar kompania e makinave “AUDI” e cila u ka dhuruar të gjithë futbollistëve nga një makinë.
Serxho Ramos si kapiten, kishte të drejtën për të zgjedhur makinën më të shtrenjtë të mundshme nga katalogu i ofruar teksa ka përzgjedhur një automjet që arrin në shifrën e 86 mijë eurove.
Futbollistët e tjerë, kanë pasur mundësi të zgjedhin modele dhe ngjyra të ndryshme teksa të gjitha makinat kanë ardhur me targë të personalizuar ku ishte shkruar emri i futbollistit dhe modeli i automjetit. /VipSport/
