Eni Imami ka marrë dhuratë fanellën e Granit Xhakës me autografin e mesfushorit të Arsenal.
Mbrojtësi i Vllaznisë e ka postuar vetë në rrjetet sociale fanellën me numër 34, ndërsa duket i lumtur për mbishkrimin që shqiptari i “Topçinjve” ka bërë për të.
“Për Enin, sa më shumë suksese”, shkruan Xhaka që ka lënë edhe autografin në fanellë. Vllaznia luan të mërkurë me Laçin në “Loro Boriçi”.
Një sfidë që mund të vendosë titullin kampion në javën e fundit të Superligës, nisur kjo edhe nga rezultati i Teutës me Apoloninë.
