“Te rinjte Xhensila 15 vjece dhe vellai i saj i vogel, Nikolla, 11 vjec, jane studente brilant dhe padyshim kampion per te ardhmen” konfirmon trajneri i ekipit. Nikolla eshte tani kampioni i qarkut dhe fale aftesive te tij, eshte perzgjedhur per kampionatin kombetar te Frances per te rinj, ku do te perfaqesoje Grenoblen. Edhe Xhensila se shpejti do te jete pjese e kampionatit kombetar” shkruan “FRANCE3”
Qe pas dhjetorit te vitit 2018, ata kishin humbur “betejen” e tyre per te fituar azilin dhe shteti kishte vendosur kthimin e familjes Gjoka. Ne mbeshtetje te familjes, doli klubi i xhudos sebashku me stafin drejtues te cilet e apeluan rastin e tyre dhe me daten 28 Mars do te zhvillohet seanca gjyqesore.
“Eshte nje vendim teresisht i padrejte” thote trajneri i dy te rinjve nga Vau – Dejesi. “Xhensila dhe Nikolla jane dy femije shume te kulturuar, pavaresisht se jane nga nje vend tjeter ata flasin nje frengjishte shume te mire, kane rezultate mjaft te mira ne shkolle dhe ne stervitje jane korrekt dhe fitues.
Jam shume i afeksionuar me kete familje qe beri gjithcka per femijet e tyre ne menyre qe ata te integrohen sa me shpejt, te edukohen dhe te jene nje shembull i mire per te gjithe. Ne do t’i mbeshtesim deri ne fund pasi eshte e padrejte” shprehet trajneri i klubit “Judo de Saint-Martin-d’Hères “.
Deshira me e madhe e Nikolles eshte te qendroje ne France dhe te vijoje stervitjen:
“Kur u larguam nga Shqiperia dhe erdhem ne France i kerkova babait qe te me aktivizonte me xhudon, pasi jam stervitur edhe ne Vau – Dejes. Xhudoja eshte pasioni im dhe sporti qe dua me shume prandaj stervitem fort. Ketu shoket me duan te gjithe dhe me kane pritur shume mire”. Me nje frengjishte te perkryer, 11 vjecari kerkon nga shteti Frances qe te realizoje endrren e tij me klubin e Grenobles dhe te mos largohet.
Per babain Gjergj Gjoka rikthimi ne Shqiperi do te ishte nje humbje e madhe. Gjate intervistes per televizionin frances, ai thote se femijet tashme jane bere pjese e ketij vendi dhe nuk mund te kthehen ne Shqiperi.
“Se pari femijet jane mire edukuar ketu ne France. Ata kane kuptuar vlerat e mira te sportit, te shoqerise ketu dhe kane mesuar shume mire frengjishten. Ketu kane kushtet e mira per te bere karriere dhe per tu bere te medhenj ndersa ne Shqiperi fatkeqesisht as ata dhe as ne prinderit nuk kemi asgje”.
Nderkohe edhe shoket e klubit te xhudos kerkojne qe Xhensila dhe Nikolla te mos largohen:
“Ata jane shoket tane me te mire. Nuk e di pse por trajneri na tha se do te largohen dhe na ne vjen shume keq. Nikolla eshte me i miri ne tapet dhe thuajse gjithmone fiton. Shpresoj te qendrojne per shume kohe ne klubin tone”
Xhensila dhe Nikolla per shume vite me radhe ishin pjese akademise “Albania Judo Kodokan” ne Vau – Dejes ku u sterviten nga mjeshtri Anton Shkoza. Me pas, familja Gjoka emigroi ne France ne kerkim te nje jete me te mire por sfidat dhe veshtiresite per ta nuk kane fund.
Klodian ZHIVANI
