Këtë verë u zyrtarizua në rradhët e Torinos, por në sezonin e ri do luajëi huazuar tek Ascoli. Fjala është për Kevin Haverin, i cili pas disa vitesh pozitive tek Rimmini, po bën hapin e madh në karrierë. Dhe aventura tek bardhezinjtë për shkodranin duket se ka nisur me këmbën e mbarë.
Pas golit debutues në miqësore, Haveri luajti edhe ndeshjen e parë zyrtare me Ascolin në kupën e Italisë. Skuadra e mbrojtësit u mposht 3-1 nga Hellas Verona e Serie A. Duke treguar diferencat që ekzistonin mes dy skuadrave. Por në aspektin personal për 21-vjeçarin dueli përballë veronezëve ishte goxha pozitiv.
Ish-futbollisiti i akademisë Ajaks e nisi si titullar këtë ndeshje. Madje duke mos u zëvendësuar në asnjë minutë dhe duke zhvilluar një performancë që mori goxha vlerësime pozitive. Haveri prej vitesh është pjesë e futbollit në Itali, ku mund të thuhet me plot gojën që aty ka marrë formimin dhe mentalitetin që i duhet një futbollisti profesionist.
Gjithashtu ai ka qenë edhe pjesë e kombëtares shqiptare në miqësoren kundër Estonisë para 1 viti. E me shpresën se mund të bëjë mirë me Ascolin këtë sezon në Serie B, mëngjërashi patjetër që do tentojë edhe një herë tjetër të “kapë” kuqezinjtë.
Endri ÇINARI
