Gjermania ka marrë një fitore dramatike në ditën e djeshme, teksa ka fituar me rezultatin 2-1 ndaj Suedisë në minutat e fundit të takimit.
Goli i Toni Kros ishte më shumë sesa një shpëtim për gjermanët, që në rast të kundërt do të prinin biletën e kthimit më shpejtë nga çfarë parashikohej nga Botërori i Rusisë.
Kjo ka sjellë edhe shpërthimin e stafit gjerman, që në mënyrë të turpshme ka festuar me gjeste duke provokuar pankinën e suedezëve, pas golit të shënuar nga Toni Kros.
Polemikat kanë qenë të shumta në përfundimin e takimit, ndërsa Gjermania nëpërmjet një postimi në “Twitter” ka kërkuar falje për situatën e ndodhur.
“Ishte një ndeshje me shumë emocione. Në fundin e ndeshjes, reagimet tona kundrejt pankinës suedeze ishin shumë emocionale.
Nuk është në stilin tonë dhe për këtë i kërkojmë ndjesë stolit të Suedisë dhe trajnerit të tyre”. /vipsport/
