Gjimnastika shkodrane duket se është rikthyer sërish në nivele të larta. Tashmë jo vetëm me të rritura, por Vllaznia po dominon edhe me moshat e vogla dhe ky është një sukses falë punës së shkëlqyer që bën trajneri Izmir Kashi, por padyshim edhe kontributit shumë të madh që jep presidenti i këtij ekipi Leonard Lulaj.
Ditën e djeshme janë zhvilluar garat e Kupës së Shqipërisë për të gjitha grupmoshat dhe ekipet e Vllaznisë janë dalluar mbi të tjerat.
Kështu, ekipi i vajzave është shpallur fitues i kupës për moshat 8-9 vjeçe, për moshat 13-14 vjeçe, si dhe vend të parë Vllaznia ka zënë edhe në garat e të rriturave me 92.50 pikë të grumbulluara.
Ndërkohë ekipi i djemve të moshës 7-8 vjeç është renditur i dyti, ndërsa ai moshës 11-12 vjeç ka zënë vendin e tretë në këto gara.
Ndërkohë rezultatet individuale të sportisteve të Vllaznisë në këto gara ishin këto:
Kategoria para te reja
Merilin Islami vendi i pare
Eliza Bushgjokaj vendi i dyte
Kategoria te reja
Luida Beci vendi i pare
Kategoria te rritura
Gresa Dragani vendi i pare
Klea Simicia vendi i dyte
Marisa Suma vendi i trete
