Një gol në minutën e 92-të i ka dhënë fitoren Egnatias në sfidën ndaj Dinamos, e luajtur mbrëmjen e sotme në “Egnatia Arena” të Rrogozhinës. Vendasit në këtë mënyre marrin tre pikë me vlerë dhe i afrohen edhe më shumë Vllaznisë, duke shpresuar në ndonjë hap të gabuar të saj nesër në Ballsh.
Nga ana tjetër vijon të thellohet edhe më shumë kriza e Dinamos e cila e sheh veten tashmë të rrezikuar seriozisht edhe për vendin e katërt dhe “Final 4”.
Të dy ekipet kanë patur rastet e tyre, megjithatë duhej të vinte shtesa kur rrogozhinasit do të shfrytëzonin një gabim të mbrojtjes dinamovite dhe Rrodrigues shumë pranë portës do ta dërgonte topin në rrjetë.
EGNATIA-DINAMO 1-0
90’+2′ Rodrigues
