Sindrit Guri u largua nga Kukësi pak muaj më parë drejt Ostendes, duke krijuar një boshllëk jo të vogël në repartin e avancuar. Kukësi arkëtoi plot 710 mijë euro nga shitja e shkodranit, duke qenë kështu transferimi më i shtrenjtë për verilindorët.
Edhe pse tashmë Guri ka nisur një aventurë të re, nuk e harron skuadrën kuksiane. Përmes një postimi në “Instagram” i uron suksese ish-shokëve të skuadrës.
Nuk mungon dhe ngacmimi për Ervis Kocin që nuk është i grumbulluar apo dhe Rustem Hoxhën që është i dëmtuar. Gjithsesi, shkodrani i uron suksese Kukësit në aventurën europiane./sport-ekspres/
