Presidenti i Republikës, Ilir Meta ka dëshmuar shpesh herë se futbolli është një sport, i cili e tërheq jo pak.
Pas festimit me tifozët e Selltikut në Sarajevë gjatë ndeshjes së Ligës së Kampionëve, Meta ka postuar në faqen e tij zyrtare, një përshëndetje për gjithë fansat e skuadrës skoceze, më anë të një goli të shqiptarit, Rudi Vata.
Vata ka luajtur për disa vite me Selltikun dhe presidenti ka gjetur një mënyrë “shqiptare” për të përshëndetur tifozerinë e zjarrtë të klubit skocez.
Gjithashtu ai ka pozuar me fanellën e Selltikut, të cilën Rudi Vata ia dhuroi gjatë vizitës në Sarajevë.
