Ndeshja mes Vllaznisë dhe Tiranës, solli në kujtim ndeshjet e sezonit të shkuar ku thuajse në çdo javë, kishte akte dhune në stadiumet shqiptare. Takimi u ndërpre dy herë për shkak të hedhjes së shisheve në fushën e blertë, duke bërë që Komisioni i Disiplinës të marrë edhe një vendim të ashpër për shkodranët.
Disiplina e ka dënuar Vllazninë me 4 ndeshje pa tifozë, por në një vendim të dytë e ka pezulluar gjysmën e dënimit duke lënë në fuqi vetëm 2 ndeshje, por Vllaznia është në provë për 6 muaj. Kështu, shkodranët do të luajnë dy takimet e radhës në “Loro Boriçi” me shkallët e boshatisura.
Javën e katërt të Superiores, Vllaznia luan në transfertë ndaj Teutës ndërkohë që po në transfertë luan edhe në Kupë ndaj Burrelit. Në javën e pestë dhe të gjashtë, Vllaznia do të luajë në shtëpi kundër Luftëtarit dhe Skënderbeut e në të dyja takimet, do të jenë pa tifozë. Shkodranët mund të rimbushin shkallët, vetëm në Kupë ndaj Burrelit ose në kampionat ndaj Partizanit. /VipSport/
Ndeshjet e Vllaznisë pa tifozë:
Java e 5-të
Vllaznia-Luftëtari
Java e 6-të
Vllaznia-Skënderbeu
