Diten e djeshme eshte inauguruar ne qytetin e Shkodres salla me e re e Vllaznise ne sportin e bilardos. Ne vazhdim, kjo salle do te funksionoje edhe si qender ditore per moshen e trete, teksa diçka e tille vjen per adhuruesit e ketij sporti nen kujdesin e shoqates se bilardos shkodrane.
Adhurues te ketyre sporteve kane qene pjese e nje ceremonie modeste, ndersa salla ne fjale, tashme eshte e gatshme dhe e hapur gjate gjithe dites per te mirepritur aktivitete dhe ndeshje te ndryshme ne sportin e bilardos.
Ne fakt, kane qene dy nder bilardistet me te njohur te qytetit te Shkodres nder vite, Nail Alushi dhe Xhevat Sokoli, te cilet kane prere shiritin e perurimit te mjediseve te reja.
Nderkohe, ne diten e inaugurimit te saj, bilardistet e Vllaznise kane dale fitues te turneut kombetar te zhvilluar me pjesemarrjen edhe te bilardisteve te qyteteve te tjera te Shqiperise.
Referuar aktivitetit ne fjale, ndeshja me e bukur e ketij turneu ka qene ajo e zhvilluar ne mes bilardistit te Vllaznise, disa here kampionit Xhevat Sokoli dhe kampionit te Tiranes, Edi Gjoni. Pas nje rivaliteti te forte, ku kane spikatur disa barazime rradhazi, ne piket e fundit eshte shkeputur Xhevat Sokoli, duke e fituar ndeshjen, fitore kjo qe e shpall ate kampion individual te ketij turneu.
Me shume interes jane ndjekur edhe ndeshjet e tjera mes ekipeve, Vllaznia-Tirana, ku per Vllaznine kane garuar dyshja Deni Kuçi-Ervin Anamali, duke pasur perballe Edi Gjonin dhe Dritan Damanin te Tiranes. Ne perfundim te kesaj ndeshje, fitues kane dale bilardistet shkodrane, Kuçi-Anamali.
Tashme, ky mjedis totalisht i ri prane ambienteve te stadiumit “Loro Boriçi” ne Shkoder, eshte i hapur çdo dite. Duhet theksuar se kjo salle ishte domosdoshmeri per sportin e bilardos.
Maringlen ZHIVANI
