Java e 10-të e Kategorisë Superiore, u mbyll ditën e djeshme me 2 sfidat e zhvilluara në orën 18:00, duke i lënë vendin javës së 11-të, e cila do të zhvillohet në 3 ditë.
FSHF ka zyrtarizuar kalendarin e javës së ardhshme e cila do të startojë të premten, me supersfidën Teuta-Tirana, e cila do të zhvillohet në orën 18:00 në stadiumin “Niko Dovana” të Durrësit.
Ndërkohë ditën e shtunë janë planifikuar të zhvillohen 2 sfida. Në orën 14:00, Vllaznia do të presë Bylisin në “Loro Boriçi”, teksa në orën 17:00, nën dritën e prozhektorëve, Skënderbeu do të përballet ndaj Laçit. Një sfidë tepër interesante mes ekipeve që mbajnë vendin e 7-të dhe të 8-të në renditje.
Dita e diel do të përmbyllet me dy sfidat e fundit. Në orën 14:00, Kukësi sfidon Flamurtarin e vendit të fundit, ndërkohë që në orën 17:00, do të zhvillohet përballja mes Partizanit dhe Luftëtarit. Të kuqtë që do të luajnë takimin e tretë radhazi në “Selman Stërmasi”.
JAVA 11:
E PREMTE:
Teuta-Tirana ora 18:00
E SHTUNË:
Vllaznia-Bylis ora 14:00
Skënderbeu-Laçi ora 17:00
E DIEL:
Kukësi-Flamurtari ora 14:00
Partizani-Luftëtari ora 17:00