Agjenti i talentit brazilian të Chelsea-t, Estevao, Andre Cury, ka zbuluar se vështirësitë financiare të Barcelonës kanë qenë arsyeja kryesore pse 18-vjeçari nuk u bashkua me klubin e tij të ëndrrave.
“Estevao ka një afeksion të veçantë për Barcelonën,” deklaroi Cury.
“Shtuam bisedimet me Barcelonën në vitet 2021, 2022, 2023 dhe 2024. Ne e ofruam lojtarin sepse besoja se ai do të kishte një të ardhme të madhe, por klubi nuk ishte mirë ekonomikisht.
Personat përgjegjës në sekretariatin teknik të Barcelonës e miratuan gjithmonë transferimin e tij, por Deco i kishte duart e lidhura për shkak të situatës financiare të klubit.”
Interesimi për lojtarin mbeti i pandryshuar gjatë viteve, por mungesa e stabilitetit ekonomik e detyroi Barcelonën, aktualisht nën drejtimin e Hansi Flick, të tërhiqej nga operacioni.
Ironikisht, natën e kaluar pikërisht Estevao e “dënoi” skuadrën katalanase, duke shënuar një gol spektakolar në fitoren 3-0 të Chelsea-t në “Stamford Bridge”.
