KF Shiroka duket se e ka marre shume seriozisht projektin e saponisur. Diten e sotme, presidenti i ketij klubi Ergin Axhani ka prezantuar drejtorin sportiv qe ne fakt vjen nga Greqia. Behet fjale per Dimitrios Kanakis.
Pervoja e tij e madhe si sportist, por edhe si drejtues, ka bere qe atij t’i besohet i gjithe projekti per ndertimin e nje skuadre ambicioze siç pretendon te jete ne te ardhmen KF Shiroka. Ja çfare shkruhet per drejtorin e ri sportiv ne faqen zyrtare te ketij klubi:
“Ndërtimi i një skuadre nga e para, nuk është asnjëherë një proces i lehtë. Zgjedhja e bashkëpunëtorëve është elementi kyç, që e bën më pas më të thjeshtë punën për të arritur tek objektivat. Kemi kënaqësinë që si pjesë e këtij rrugëtimi tonin në kampionatin shqiptar, të kemi në cilësinë e Drejtorit Sportiv të KF.SHIROKA, z. Dimitrios Kanakis.
Ai vjen në Shkodër pas një eksperience të gjatë me klube të ndryshme në Greqi, Europë dhe Afrikë. Një ish futbollist që ka luajtur për ekipe të njohura në kampionatin grek, e ku kemi bindjen dhe besimin se do të japë më të mirën për klubin tonë, që së bashku të kemi një përfaqësim dinjitoz. Mirëserdhe në Shkodër dhe tek KF Shiroka z. Dimitrios Kanakis!”
Maringlen ZHIVANI
