✍️ Shkruar nga Maringlen ZHIVANI
KF Shiroka vazhdon marshimin e saj mbresëlënës këtë sezon. Në javën e tetë të Kategorisë së Dytë, skuadra shkodrane ka triumfuar me rezultatin e thellë 6–1 ndaj Gramshit, në ndeshjen e zhvilluar në fushën sportive “Reshit Rusi”.
Shiroka e mbylli ndeshjen praktikisht brenda 10 minutave të para, falë dysheve Vucaj–Leka, të cilët prodhuan dy golat e parë në minutat 8-të dhe 10-të. Në minutën e 24-t, kapiteni Vucaj dha asistin e tretë të ndeshjes, këtë herë për Dulajn, që dërgoi shifrat në 3–0.
Edhe pjesa e dytë foli vetëm për vendasit. Olamide shënoi golin e katërt në minutën e 48-të, ndërsa Dulaj kompletoi dopietën e tij në minutën e 56-të për 5–0. Shënuesi Olamide u rikthye sërish në listën e golashënuesve në minutën e 70-të, duke vulosur rezultatin 6–1.
Goli i vetëm për Gramshin erdhi në minutën e 82-të me Ajazin. Me këtë fitore bindëse, Shiroka ngjitet sërish në vendin e parë të renditjes me 21 pikë, dy më shumë se Besëlidhja. Ndeshjen e radhës, skuadra shkodrane do ta luajë në transfertë ndaj Tërbunit të Pukës.
