Me fitoren e 15 në 17 ndeshje kampionati, Bajerni ka përmbyllur një gjysmësezon pothuajse perfekt në Bundesligë dhe ka vendosur një rekord të ri historik në elitën e futbollit gjerman. Megjithatë, trajneri Vinsent Kompani nuk deshi t’i jepte shumë rëndësi totalit të ri rekord prej 47 pikësh.
“Është bukur. Ndoshta e parëndësishme, por shumë bukur. Ua thashë djemve: unë nuk jam nga ata që merren me rekordet në mes të sezonit, sepse gjithsesi nuk të sjellin ndonjë dobi,” u shpreh trajneri i suksesshëm i bavarezëve, pasi skuadra e tij sapo kishte fituar 3-1 ndaj Këlnit dhe kishte perfeksionuar rekordin e gjysmës së Kompani: Rekordet janë të bukura, por të parëndësishme parë të sezonit në Bundesligë.
Me 47 pikë të grumbulluara në një gjysmësezon, Bajerni e kaloi rekordin e mëparshëm nga sezoni 2013/2014, kur skuadra nga Mynihu kishte po aq pikë, por me një diferencë golash 18 gola më të dobët. Megjithatë, Kompani nuk e fshehu një dozë kënaqësie: “Të ngrish standardet edhe më lart me këtë klub është praktikisht e pamundur. Rekordin do ta pranoj, por ne vazhdojmë përpara. Tani duam të fitojmë ndaj Augsburgut, ky është mentaliteti ynë. Gjithçka nis nga e para dhe vazhdojmë.”
Përveç synimit për rekord pikësh, Bajerni po ndjek edhe një tjetër rekord historik këtë sezon. Kampionët rekord kanë shënuar tashmë 66 gola. Nëse skuadra nga Mynihu e ruan këtë mesatare të jashtëzakonshme prej mbi tre golash për ndeshje, do ta mbyllte sezonin me 132 gola. Ky do të ishte një rekord i ri i Bundesligës me diferencë të madhe
Rekordi aktual prej 101 golash në një sezon është mbi 50 vjeçar dhe daton nga sezoni 1971/72 dhe natyrisht, është vendosur gjithashtu nga gjiganti gjerman. Duke parë javët në vijim, trajneri i Bajernit, Kompani, mbeti i kujdesshëm: “Tani duam të përpiqemi të fitojmë edhe gjysmën e dytë të sezonit. Dhe nëse llogaritë e mia janë të sakta, atëherë në këtë mënyrë mund ta fitojmë edhe kampionatin. Por ka ende shumë ndeshje për tu luajtur.”
