Ish-mbrojtësi i Mançester Junajtid, Geri Nevil në podkastin e tij ka folur për situatën e vështirë në të cilën ndodhen “Djajtë e Kuq”.
“Situata e Junajtid nuk më befason plotësisht, si të thuash. Pas barazimit kundër Liverpulit pata ndjenja të mira, një pikë në Anfield nuk është kurrë një gjë e vogël.
Por më pas ne pamë diçka tjetër. Ajo që tregon ky ekip dhe po flas në përgjithësi, jo vetëm ky grup me këtë trajner, por çdo ekip me çdo trajner në 6-7-8 vitet e fundit, është gjithmonë e njëjta gjë. Kjo është, ne nuk mund të besojmë. Sa herë që jep një grimë shprese, më pas humbet një lojë që nuk duhet ta humbë.
Është një ekip jokonsistent dhe mospërputhja është problem jo vetëm në futboll, por edhe në jetë. Problemet janë të thella, një ndryshim në pronësi nuk do të mjaftojë për t’i zgjidhur ato”, tha ai.
