Humbja e mbrëmshme 2-3 ndaj Barcelonës në finalen e Superkupës, i ka kushtuar shumë trajnerit të Real Madrid Xabi Alonso. Klubi madrilen ka njoftuar pak minuta më parë shkarkimin e tij.
“Klubi i Real Madridit njofton se, me marrëveshje të ndërsjellë midis klubit dhe Xabi Alonsos, është vendosur t’i japë fund mandatit të tij si trajner i ekipit të parë.
Xabi Alonso do të ketë gjithmonë dashurinë dhe admirimin e të gjithë tifozëve të Madridit sepse ai është një legjendë e Real Madridit dhe gjithmonë ka mishëruar vlerat e klubit tonë.
Real Madridi do të jetë gjithmonë shtëpia e tij. Klubi ynë falënderon Xabi Alonson dhe të gjithë stafin e tij të trajnerëve për punën dhe përkushtimin e tyre gjatë kësaj kohe dhe u uron atyre fat të mbarë në këtë kapitull të ri të jetës së tyre”- shkruhet në komunikatën zyrtaree.
