Ia kishin friken arbitrit te sotem Laver Alla drejtuesit e Vllaznise, por per fat ai nuk ndikoi ne rezultat dhe kjo ngaqe futbollistet shkodrane e zgjidhen shpejt ndeshjen.
Po te ishte lene ne doren e arbitrit lushnjar, me siguri qe gjerat do te kishin shkuar ndryshe. Ne balten e stadiumit te Kamzes ky arbiter la shume per te deshiruar me performancen e tij.
Kane qene me dhjetera nderhyrje te ashpra te futbollisteve te Kastriotit ndaj atyre te Vllaznise, me ose pa top, por Alla “kursehej” ne nxjerrjen e kartonave.
Nese do te ishte korrekt ai, me siguri qe ne kete ndeshje do te kishte patur edhe kartona te kuqe per futbollistet e Kastriotit dhe sidomos per numrat 4 dhe 20 (Nezirin dhe Prodanin).
Nderkohe qe numri i te verdhave duhej te ishte shume i madh, por u toleruan nga ana e arbitrit kryesor. Per te mberritur tek minuta e 73-te e ndeshjes kur ne vend qe te akordonte nje 11-metersh per prekje te dukshme te topit me dore nga ana e mbrojtesit Boyom, akordon faull ne sulm te Dilaver!
Laver Alla sot “e beri balte”, ne balten e fushes se stadiumit te Kamzes, por per fat, ai nuk ndikoi ne rezultatin e Vllaznise dhe per me teper ne demtimin e lojtareve te saj./SHKODRA-SPORT.COM/
