Kupa e Shqipërisë do të vazhdojë rrugëtimin ditën e nesërme me ndeshjet e turit të 1/16-të. Tetë ndeshjet e këtij turi janë programuar për në orën 13:00.
Ka disa duele interesante në këtë fazë të Kupës, ku garojnë vetëm dy nga ekipet e “Abissnet Superiore”, Skënderbeu dhe Dinamo. Korçarët përballen me skuadrën e Turbinës, ndërsa blutë me Orikun.
Takime të tjera të kësaj faze janë Bylisi-Vora, Kastrioti-AF Elbasani, Flamurtari-Burreli, Tomori-Lushnja, Korabi-Besa dhe Apolonia-Luzi 2008. Ekipet që kalojnë në turin e 1/8-ave përcaktohen me një ndeshje.
Tek çifti Flamurtari- Burreli eshte e fokusuar edhe Vllaznia sepse fituesi i tij do te perballet me te ne ndeshjet e turit tjeter qe do te luhen gjate muajit janar.
Vetëm ndeshjet e turit çerekfinal (1/4) dhe gjysmëfinal (1/2) do të jenë me 2 takime. Ekipet e renditura nga vendi i parë e deri në vendin e tetë në “Abissnet Superiore” për sezonin 2022-2023 do të garojnë duke filluar nga faza e 1/8-ave të Kupës së Shqipërisë.
KUPA E SHQIPËRISË – Turi 1/16
(6 dhjetor, 13:00)
Bylisi-Vora
Kastrioti-AF Elbasani
Skënderbeu-Turbina
Dinamo-Oriku
Flamurtari-Burreli
Tomori-Lushnja
Korabi-Besa
Apolonia-Luzi 2008
