Një gol i pësuar në minutat e fundit i ka kushtuar shumë shtrenjtë Mançester Sitit, që ka humbur përsëri kreun e renditjes që ia kishte marrë pak ditë më parë Arsenalit. Skuadra e Pep Guardiolës është ndalur sot në një barzaim 1-1 përballë Notingem.
Edhe pse kaloi në avantazh me anë të Bernardo Silva dhe dominoi plotësisht sfidën, Siti nuk ia doli të konkretizonte rastet që krijoi dhe pasi u godit në fund nga Ud i cili barazoi shifrat për vendasit, nuk kishte forcën që të çonte topin në rrjetë.
Ndërkaq, vazhdon zhgënjimi i Çelsit, që ka lëshuar përsëri pikë rrugës duke u mundur nga Sauthemptoni, ekipi i cili mbyll tabelën e renditjes në Angli.
Goli i Uard-Prous me goditje dënimi i mjaftoi ish-skuadrës së Armando Brojës që të triumfonte në këtë duel dhe të ringjallte shanset për mbijetesën, teksa ka zhytur më shumë në renditje londinezët të cilëve nuk u shërbyen asgjë deri tani qindra miliona euroe të shpenzuar në merkato.
REZULTATET
Brentford-Kristal Palas 1-1
90’+6’ Xhanelt / 69’ Eze
Brajton-Fullhem 0-1
88’ Solomon
Çelsi-Sauthempton 0-1
45’+1’ Uard-Praus
Everton-Lids 1-0
64’ Koleman
Notingem Forest-Mançester Siti 1-1
84’ Ud / 41’ Bernardo Silva
Ullvërhempton-Bornmuth 0-1
49’ Tavernier
